O‘zbekiston Respublikasi Vazirlar Mahkamasining “Qishloq xo‘jaligi ishlab chiqaruvchilarining suvni tejaydigan sug‘orish texnologiyalarini joriy etish bo‘yicha xarajatlarining bir qismini qoplash chora-tadbirlari to‘g‘risida” 2021 yil 23 fevraldagi 95-son qaroriga muvofiq joriy yilning 1-dekabr sanasidan suv tejovchi texnologiyalarni joriy qilganlik uchun subsidiyaga ariza yuborish to‘xtatiladi.
Mazkur qaror 1-ilovasi 21-bandiga muvofiq hududiy ishchi guruhlardan Qishloq xo‘jaligi vazirligi hamda Suv xo‘jaligi vazirligiga arizalar kelib tushishi to‘xtatiladi. Lekin bunda tuman va hududiy ishchi guruh aʼzolari 1-dekabrgacha kelib tushgan arizalarni ko‘rib chiqishlari mumkin bo‘ladi.