Vazirlar Mahkamasining 2025-yil 17-fevraldagi 97-son qaroriga muvofiq “Agrosubsidiya” AT orqali 2025-2026 yillarda Xorazm viloyatidagi sholi yetishtiruvchi qishloq xo‘jaligi subyektlariga lazerli qurilmaga ega yer tekislagich agregat bilan yer tekislash xarajatlari uchun subsidiyaga ariza yuborish hamda arizalarga tegishli xulosalar berish imkoniyati yaratildi.

Subsidiya uchun arizalar dastlab tuman ishchi guruhi (Tuman hokimi – ishchi guruh rahbari, Tuman hokimining qishloq va suv xo‘jaligi masalalari bo‘yicha o‘rinbosari, Tuman iqtisodiyot va moliya bo‘limi boshlig‘i, “O‘zagroinspeksiya”ning tuman bo‘limi rahbari, Tuman “Suv yetkazib berish xizmati” davlat muassasasi boshlig‘i, Tuman prokurori, Tuman ichki ishlar bo‘limi boshlig‘i) tomonidan 4 ish kunida ko‘rib chiqiladi, so‘ng Qishloq xo‘jaligi vazirligi Suv xo‘jaligi vazirligi va “O‘zagroinspeksiya” bilan birgalikda arizalarni ko‘rib chiqib subsidiya ajratish/ajrtaishni rad etish xulosalarini qabul qiladi.

Subsidiya ajratish maqsadga muvofiq deb topilgan arizalar bo‘yicha muvofiq talabgorlarning tijorat bankidagi maxsus hisobvarag‘iga subsidiya mablag‘lari o‘tkazib beriladi.

Subsidiya lazerli qurilmaga ega yer tekislagich agregatlar bilan tekislangan har bir gektar ekin maydoniga sarflangan yonilg‘i-moylash materiallari xarajatlarining 100 foizini, biroq 1 mln so‘mdan ortiq bo‘lmagan miqdorda qoplab beriladi.